جورنالات ونس
جورنال ونس صاحبة في إيدك: ألعاب، وتلوين، وأسئلة، وصوت ونس، بالعامية المصرية. خمس دقايق في اليوم، على مهلك. تقدري ترسمي بدل ما تكتبي، وتعدّي أي صفحة.
جورنال ١ هو أول جورنال من جورنالات كتير. باقي سلسلة «النُص التاني ليّا» هتتكشف خطوة بخطوة، كل جورنال بموضوعه ولونه، عشان تكبري معاهم، جورنال ورا جورنال.
جورنال ١: ابدئي من جديد
لو إنتي في الأربعين أو فوقها، وحاسة إنك عشتي سنين لكل الناس، وجه الوقت ترجعي لنفسك… الجورنال ده ليكي. ولو مش في السن ده وحاسة إنه ليكي… أهلًا بيكي.
اكتبي، لوّني، العبي، واسمعي ونس. شوفي عجلة حياتك دلوقتي، واسمعي نقنوقة وردّ نغم، وقابلي حنين، وخدي خطوة صغيرة بكارت الجرأة. وفي الآخر، مرايتي بتجمع اللي إنتي كتبتيه، من غير ما تصنّفك أو تختبرك.
الـ٢١ يوم دول ٢١ مرة ممارسة، مش لازم أيام ورا بعض. كمّلي من مطرح ما وقفتي.
٦٥ صفحة، و٧ حلقات من «حواديت ونس»، و١٩ فويس نوت بصوت ونس، ونصايح «💡 لمبة ونس» و«👗 دولاب ونس»، ومزيكتها.
جورنال ١ هيعملك إيه؟
- تشوفي حياتك واقفة فين النهارده، من غير ما تحكمي على نفسك.
- تتعرفي على الصوت اللي بينقد فيكي، وتتعلمي تردي عليه.
- تلاقي الصوت الحنين اللي جوّاكي.
- تتخيلي الصبح اللي نفسك فيه، وتلاقي أول علامة صغيرة ليه.
- تقابلي البنت الصغيرة اللي جوّاكي، وتقري جواب منك وإنتي عندك ٨٠.
- تبني عادة ٥ دقايق ليكي إنتي بس: ٢١ مرة ممارسة، مش لازم أيام ورا بعض.
- تفهمي إنتي محتاجة إيه بجد، وليه ده مهم.
- تاخدي خطوة حقيقية وجريئة بكارت الجرأة.
- تلوّني بألوان كتير، منها ألوان لامعة، وتلبّسيها مودك.
- تسمعي صوت ونس جنبك: فويس نوتس بتشرحلك كل خطوة مهمة.
🎧 جولة في جورنال ١
جوه جورنال ١
- «حتتك»: الجانب اللي بتختاريه من عجلة حياتك، وبنرجعله طول الجورنال.
- معجزة الصبح، واحتياجي، وكارت الجرأة: كل واحد معاه فويس نوت من ونس بيشرحه.
- لو حياتي فيلم: «أكشن!… هنصوّر أول مرة».
- أمثالنا · صح ولا غلط؟ مثل واحد، وفويس نوت من ونس، و«مثلي أنا».
- 💡 لمبة ونس: معلومات نفسية صغيرة بكلام بسيط وحنين.
- دردشي مع ونس، ورقصة النهاية في صفحة لوحدها.
- علبة ألواني: ٣٦ لون عادي و١٢ لون لامع، في كل صفحات التلوين.
- مرايتي: برواز فيه ١٢ حجر ملوّن، وأغنية مقترحة: «يا مرايتي» · إليسا.
- من تصميمات ونس: ونس لابسة قطعة من تصميمها، وفي الآخر بتسألك: «عجبتك تصميماتي؟»
الـ١٩ فويس نوت بصوت ونس
- مساحة ليكي
- أهلًا
- مين ونس؟
- لبّسيها مودك
- قبل عجلة حياتي
- «حتتك»
- تنفّس عند الشباك
- تعالي نتعرف على نقنوقة
- معجزة الصبح
- صح ولا غلط؟
- احتياجي
- لقاء مع حنين
- الـ٢١ مرة ممارسة
- يوم ٧: لو وقفتي
- كارت الجرأة
- الظرف المقفول
- جواب تيتا أنا
- مرايتي
- الختام
الشلة: ست صاحبات في الرحلة
ونسأنا معاكي.
نقنوقةفي سنّك ده؟!
نغموماله؟ جرّبي.
أوتوسي ديهاتك عندي!
حنينتعالي نلعب!
تيتا أناما تستنيش الإذن.
أوتو هي عقلك الباطن… وهي طريقتنا الظريفة نسمّي بيها العادات اللي بنعملها من غير ما ناخد بالنا. والقرار في الآخر قرارك إنتي.
اسمعي ونس
كل كارت صوت في الجورنال ليه رسمة بتقولك هتسمعي إيه:
٧ حلقات بتحكيها ونس، حكاية واحدة متصلة
ونس بتشرحلك: ده إيه، وليه، وتعملي إيه دلوقتي
معلومة نفسية صغيرة بكلام بسيط وحنين
نصايح الموضة والألوان من المصممة
مزيكتها وأغاني مقترحة
صح ولا غلط؟
«انصح صاحبك من الصبح للعصر… وبعد المغرب غشّه»
صفحة «أمثالنا»: المثل ده ممكن يبقى صح وممكن يبقى غلط، على حسب. مش كل حاجة أبيض أو أسود… وإنتي اللي بتقرري. ومعاها فويس نوت من ونس، ومكان لمثلك إنتي.
رحلة في مصر
ونس بإطلالة الصيف (نضارة كورال وبرنيطة قش) بتاخدك أماكن مصرية حقيقية جوه صفحات الجورنال:
من دولاب ونس
وفي الآخر: «دردشي مع ونس»، وبعدها «رقصة النهاية… ابدئي تاني يا ست يا حلوة!» في صفحة لوحدها 💃
جرّبي حتة من الجورنال
دي عيّنة صغيرة. إجاباتها بتتحفظ على جهازك بس، ومنفصلة عن الجورنال الكامل.
🎧 قبل ما تجرّبي
عجلتي دلوقتي
حرّكي المؤشرات من ٠ لـ١٠ حسب رضاكي النهارده.
مين اللي قال كده؟
دوسي على نقنوقة أو نغم. دي لعبة، مش اختبار.
جرّبي العيّنة التفاعليةنزّلي ٣ صفحات من الجورنال للطباعة (PDF)عجبتك؟ اطلبي الجورنال كله
ستيكراتي
حطي ستيكر لامع على أي صفحة وقت ما تحبي: قلوب، ونجوم، ووشوش بتضحك، وتشجيع، وكمان كل المشاعر، حتى الزعل والغضب والغيرة. كل المشاعر مرحب بيها هنا. وحطي اسمك بحروف لامعة، أو ارسمي الستيكر بتاعك. والجورنال المطبوع معاه ورقة ستيكرز.
مرايتي
كل فترة، جورنالك بيجمع إجاباتك إنتي في صفحة واحدة بتوريكي نفسك ورحلتك. بتبدأ باسمك واسم الدلع اللي بتحبي حد يناديكي بيه، وصورة صغيرة عنك: برجك، ونوعك في الإنياجرام، والستات اللي جواكي، وحاسّتك الأقرب (بتشوفي ولا بتسمعي ولا بتحسي). وبعدين مثلك اللي بتحبيه، وعجلة حياتك، وحتتك اللي اخترتيها، وردودك الحنينة على نقنوقة، والخطوات اللي خدتيها، وألوانك، ورسالة صغيرة من نغم. بتتعمل على جهازك إنتي، ومحدش بيشوفها غيرك.
مرايتك ليها برواز مدوّر فيه ١٢ حجر ملوّن، حجر لكل جورنال: وكل جورنال بيضيف لمرايتك لون جديد. جورنال ١ بينوّر أول حجر: اسمك، ومثلك، وعجلة حياتك وحتتك، ونقنوقة ونغم، وكارت الجرأة. وباقي الأحجار مستنياكي بألوانها: «اللون ده لسه مستنيكي… هتضيفيه في جورنال ٢ «أنا مين؟»». وجورنال ورا جورنال مرايتك بتتملي ألوان، لحد ما ألوانها تكمل في ليلة التخرج.
أغنية لمرايتك: «يا مرايتي» · إليسا. دوّري عليها وشغّليها بنفسك وإنتي بتبصي في مرايتك.
الاسم والإجابات مثال بس.
🎧 مرايتي
- فوق: اسمها واسم دلعها، وبعدين برواز المراية: ١٢ حجر ملوّن، حجر لكل جورنال. أحجار الجورنالات اللي خلّصتها منوّرة، والباقي باهت بلون جورناله.
- «أنا لحد النهارده»: ٤ مربعات صغيرة: برجها، ونوعها في الإنياجرام، والستات اللي جواها، وحاسّتها الأقرب. كل واحد مكتوب فيه «لسه مستنياكي» واسم الجورنال اللي بيملاه، لحد ما تعمله.
- الكروت: مثلها اللي بتحبه، وعجلة حياتها (الأولى والتانية مع بعض)، وحتتها وبقت كام النهارده، وأصعب جملة لنقنوقة جنب ردها الحنين، وكارت الجرأة بالتاريخ، وألوانها من «لبّسيها مودك»، وأكتر ستيكرات مشاعر حطتها، ورسالة صغيرة من نغم باسم دلعها. وفي الآخر أغنية «يا مرايتي» · إليسا (الاسم بس).
- الدعوة: جنب حجر باهت، مربع منقّط «اللون ده لسه مستنيكي… هتضيفيه في جورنال ٢» وزرار «كمّلي مرايتك» بيفتح صفحة الجورنال ده على الموقع.
- تحت: «احفظي نسخة» و«نزّلي PDF»، والسطر «ليكي إنتي بس. مرايتك على جهازك، ولا حتى ونس بتشوفها.»
